Deputetja e VV-së, Fatmire Mullhaxha Kollçaku ka parashtruar një kërkesë goxha ekstreme për ata që aftësimin profesional në mjekësi, e marrin në Kosovë.
Ajo në një deklarim në Kuvendin e Kosovës ka thënë se në të ardhmen duhet të bëhet detyrim që ata që kryejnë shkollimin në Kosovë, të punojnë pesë vite në spitale publike.
Sipas saj, kjo do ta zgjidhte problemin e boshllëkut në staf.
“I ftoj që të gjithë ata që për hir të shkollimit që e kanë bërë në Republikën e Kosovës, për hir të investimeve që u nda për shkollimin e tyre përveç buxhetit familjar, që në kontratat që do të nënshkruhen në të ardhmen, të garantohet që edhe së paku pesë vite të kenë detyrim që të punojnë në institucionet publike deri të shkollohet kuadri pasues. Në mënyrë që të mos ketë boshllëk”, ka thënë ajo.
