Dhembja e kokës më së shpeshti është problem i njeriut modern
Lodhja, ngarkesa e tepërt, zhurma dhe mungesa e gjumit janë vetëm disa nga shkaktarët e dhembjes së kokës.
Metoda e masazhit është më efikase se cilido preparat farmaceutik. Masazhi do t’ju relaksojë dhe do të bëjë që dhembja e kokës të kalojë.
Dhembja e kokës mund të bëhet shumë e padurueshme. Më së shpeshti shkaktohet nga ushqimi jo i rregullt, jeta e shpejtë, stresi dhe pagjumësia. Nëse nuk mund t’i eliminoni këta faktorë, atëherë bëni diçka natyrale dhe të padëmshme, ansmeton Telegrafi.
Masazhin e kokës dhe të tëmblave mund ta bëni edhe vetë, por është më mirë që t’ju ndihmojë partneri/partnerja, apo masazhuesi.
Duhet ta vëni kokën në krahë të personit të shtrirë në shpinë, por mund të rrini edhe ulur dhe i kthyer me shpinë nga partneri.
Masazhin fillojeni nga tëmblat. Lëvizjet të jenë të lehta dhe rrethore.
Bëni masazhin 3 minuta dhe kujdesuni që lëkura të mos irritohet shumë, sepse atëherë masazhi nuk mund të bëhet i pakëndshëm.
Masazhuesi duhet të prekë në tëmbla aty ku gjendet një “gropë e vogël”. Pas masazhit duhet me maje të gishtave tregues të shtrëngoni atë pikë. Do të keni ndjenjën se dhembja në çastin e parë po shtohet, por pastaj lehtë fillon të largohet.
Pas këtij masazhi bëni masazhin pjesës së kokës mbi ballë. Masazhuesi duhet me shuplakë ta kapë kokën ashtu që vetëm gishtat e mëdhenj të jenë të lirë.
Fillojani me lëvizje rrethore, pastaj vazhdoni me maje të gishtave lehtë në drejtim majës së kokës. Bëni masazh kësaj pjese të kokës 3 minuta, pastaj me majat e gishtave të mëdhenj në vendin ku ata bashkohen mbi ballë shtrëngoni lehtë disa sekonda.
Dhembja e kokës tashmë do duhej të pushonte.
Nëse akoma keni dhembje, vazhdoni me masazhin e majës së kokës dhe të pjesës së qafës. Majës së kokës gjithashtu duhet bërë masazh me lëvizje rrethore, ndërsa masazhi i qafës bëhet njësoj si edhe masazhi mbi ballë (me lëvizje rrethore të gishtave të mëdhenj).
Pas këtyre masazheve lodhja dhe nervozizmi do të pushojnë. /Telegrafi/
