Komuna e Prishtinës, ka bërë të ditur se të premten, shtunën dhe të dielën, do të vazhdojë testimi i radhës i shndërrimit të gjithë unazës qendrore të kryeqytetit në qarkore njëkahëshe për automjetet.
Qarkorja njëkahëshe gjatë këtyre ditëve do të jetë funksionale në drejtim të rrugëve:
– Rruga “Agim Ramadani”që nga semaforët pranë ish-menzës së Studentëve e deri te rreth-rrotullimi prapa ndërtesës së Komunë
– Rruga “UÇK” nga Parlamenti e deri te ish-Kino Rinia.
– Rruga “Migjeni” deri te ndërtesa e ish-OSBE
– Rruga “Luan Haradinaj” deri te semaforët pranë Bankës Qendrore
– Rruga “Ukshin Hoti”
– Rruga “Robert Dolli”
Ndërsa, rrugët e poshtë cekura do të jenë të mbyllura për automjete, me përjashtim të transportit publik, i cili do të qarkulloj në këtë pjesë me shpejtësi minimale të lëvizjes.
Reklama
– Rruga “George Bush” deri tek semaforët pranë Katedrales.
– Rruga “Garibardi” deri tek semaforët pranë rrugës ”Dritan Hoxha”.
Komuna e Prishtinës njofton se gjithë procesi do të ndodhë në bashkëpunim të ngushtë me Policinë e Kosovës.
“Ju bëjmë thirrje qytetarëve të Kryeqytetit të kenë durim përgjatë kësaj periudhe provuese të ndryshimit të qarkullimit me automjete, meqenëse qëllimi kryesor i gjithë procesit është zgjidhja afatgjate e lirimit të hapësirave të lëvizjes për këmbësorë sipas rekomandimeve të task forcës rrugore, si dhe lirimi i mbingarkesës së trafikut rrugor”, thuhet tutje në njoftim.
Ndërkohë që nga e hëna shoferët e automjeteve janë duke e ngatërruar kahjen e drejtimit në rrugët “Rexhep Mala” dhe “Ukë Bytyqi” në kryeqytet, kjo pasi i është ndërruar drejtimi njëkahësh.
Reklama
Rrugës “Rexhep Mala” nga pjesa përballë Mensës së studentëve i është ndaluar qarkullimi dhe qytetarët me automjetet e tyre mund të kalojnë nga pjesa ku lidhen me rrugën “Gazmend Zajmi”, apo ish-rruga e “Dubrovnik-ut”.
Telegrafi ka marr ankesa nga qytetarët për mos informim për ndërrimin e kahjes së këtyre rrugëve nga Komuna e Prishtinës, respektivisht nga Drejtoria e Shërbimeve Publike./Telegrafi/
