Reperi i famshëm, Arian Agushi, i njohur me emrin e artit Gold Ag ishte i ftuar sot në programin “Abc-ja mëngjesit” ku foli për familjen e tij, ardhjen në jetë e djalit të dytë të cilin e ka pagëzuar me emrin Front por edhe për karrierën e tij.
I pyetur nga moderatori Alban Musa se përse Gold Ag zgjedh pikërisht këngëtaret më në zë të muzikës në Kosovë, ai u shpreh se është rritur me muzikën e tyre dhe se që i vogël e ka pëlqyer muzikën që ato bëjnë.
E teksa u pyet nëse do të bashkëpunonte ndonjëherë me këngëtare të huaj e veçanërisht serbe, Gold Ag u përgjigj që jo.
“Ma kanë bërë shpesh këtë pyetje, por jo. Nuk ndodh ajo punë.”- tha ai./abcnews
