Messi në radarin e ‘L’Equipe’, akuzohet për ndotje të tepërt të mjedisit
Lojtari më i mirë në botë, Lionel Messi është cak i raportimeve të ‘L’Equipe’, për çështje që s’lidhen me futbollin, por me ekosistemin.
Leo Messi, aktualisht lojtar i PSG, ka një avion privat dhe si pasojë e tij ka përfunduar i kritikuar nga gazeta prestigjioze franceze, ‘L’Equipe’.
Messi është në radar, si pasojë e ndikimit negativ në ekosistem, përcjell lajmi.net.
‘L’Equipe’ insiston se Lionel Messi, në tre muaj, ka liruar aq CO2 me avionin e tij privat, sa liron një francez mesatar në 150 vite.
Avioni privat i Lionel Messi nuk përdoret vetëm nga lojtari. Atë e përdorin edhe shokët e tij.
Sipas raportimeve, avioni i tij ka bërë 52 udhëtime nëpër botë, vetëm mes 1 qershorit dhe 31 gushtit.
Mediat franceze po trajtojnë me seriozitet të lartë problemet që lidhen me ambientin. Pyetje për udhëtimet e skuadrës i ishin drejtuar edhe trajnerit të PSG, Christophe Galtier.
