Ne po ju propozojmë një recetë për speca të kuq turrshi të cilën do të adhuroni.
Vjeshta është koha e përgatitjes së turrshive. Turrshit pasurojnë tryezat e familjeve shqiptare. Ato përgatiten herët në vjeshtë në mënyrë që të mos mungojnë gjatë gjithë dimrit. Për speca të kuq turrshi ka disa receta të ndryshme. Mirëpo receta që ne po ua propozojmë është shumë lehtë e realizueshme. Dhe më kryesorja, janë shumë, por shumë të shijshëm.
Prandaj mos hezitoni ta provoni!
Përbërësit
8 kg speca të kuq
6 -7 uthulla përafërsisht
Magdanoz
Karrota
Hudër
Krip sipas nevojës
Përgatitja
Së pari të gjithë specat e kuq pastrohen dhe ju largohet vetem bishti. Pastaj të gjithë specat e kuq i renditni në tepsi edhe i futni në furrë të nxeht 100 gradë për 15 minuta. Keni kujdes, specat e kuq turrshi nuk duhet të piqen por vetëm të ngrohen në furrë. Në ndërkohë, magdanozi, karrotat dhe hudhra duhet të grimcohen. Pastaj pasi të jenë ngrohur specat duhet t’i largojmë specat nga furra i renditim në kavanoz. Një rend speca, një rend karrota hudra, magdanoz dhe krip. Veproni kështu deri sa të mbushet kavanozi. Pastaj specat mbyllen dhe pritet si zakonisht 4-6 javë deri sa të hapen për konsumim.
