CRISTIANO RONALDO tregoi se nuk e ka humbur prekjen e tij magjike duke shënuar një gol të pabesueshëm me stilin rabona.
Ronaldo, 37 vjeç, ishte titullar në ndeshjen e fituar nga Djajtë e Kuq kundër Sherifin 2-0 mesjavën e kaluar. Legjenda portugeze shënoi golin e dytë të United, pasi Jadon Sancho kaloi në avantazh skuadrën e Ten Hag.
Por momenti më mbresëlënës i Ronaldo-s erdhi para fillimit të ndeshjes në Europa League. Duke zhvilluar nxehjen e tij të zakonshme, portugezi praktikoi disa gjuajtje para portës.
Pamjet video tregojnë një top që krosohet në drejtim të sulmuesit veteran, i cili ka qenë vetëm pak metra larg portës.
Por në vend që thjesht ta godiste topin drejt portës, ikona bëri diçka më shumë, duke realizuar me një rabona magjike.
