Deputeti shqiptar në Parlamentin e Serbisë, Shaip Kamberi, ka treguar se gjatë seancës së djeshme të kuvendit të mbajtur në Serbi, nënkryetarja e kuvendit Snezhana Paunovuq, ka kërcënuar deputetin shqiptar se po fole të vërteten do të djegin në turrën e druve.
Përmes një statusi në Facebook ai ka shkruar se përveç kërcënimit me djegie, ajo kishte propozuar edhe arrestimin e tij sepse një ditë më parë, gjatë fjalimit që kishte mbajtur për Kosovën, kishte theksuar domosdoshmërinë e udhëheqjes së politikës me ambicie realiste.
Postimi i plotë:
Toka sërish do të rrotullohet”Nëse kemi gabuar me lirimin e Albin Kurtit nga burgu, mos të gabojmë me mosarrestimin e Shaip Kamberit”, ka deklaruar dje, në seancën parlamentare ku u debatua për dialogun Kosovë-Serbi, deputetja e Partisë Socialiste të Sllobodan Millosheviqit, Snezhana Paunoviq.
“Nëse nuk është e mundur kjo ta shpërngulim nga këtu” ka vazhduar ajo.Kishte propozuar arrestimin tim sepse një ditë më parë, gjatë fjalimit tim rreth Kosovës, kisha theksuar domosdoshmërinë e udhëheqjes së politikës me ambicie realiste.Zonja Paunoviq kërkon të arrestohet deputeti i cili në seancën parlamentare, duke shfrytëzuar lirinë e mendimit dhe shprehjes – liri kjo e “garantuar” me Ligjin për Kuvendin – rreth një pike të rendit të ditës duke kërkuar udhëheqjen e politikës së ballafaqimit me realitetin.Kur është në pyetje Kosova, inkuizicioni në Serbi që moti ka marrë hov, duke i cilësuar tradhëtar apo armiq të Serbisë ata që hapur flasin cili është realiteti rreth Kosovës. Sot, ky inkuizicion është bërë edhe parlamentar.
Po fole të vëretën të kërcënojnë se do të djegin në turrën e druve. Kjo është ajo që ka ka këruar deputetaja Paunoviq – nënkryetare e parlamentit.Inkuizicioni romak e kishte dënuar Xhordano Brunon, për herezi, me akuzën se ka “mohuar disa doktrina themelore katolike”. Heretikët parlamentar serb po bëjnë të njëjtën.
Më vjen keq për kokëfortësinë e tyre të refuzimit të realitetit rreth Kosovës. Politika serbe karshi Kosovës vazhdon të mbetet dogmatike jo realiste.E vëreteta mund të jetë e hidhur por nuk duhet ta mohosh. Me apo pa mua “toka do të vazhdojë të rrotullohet”. Me apo pa mua, Kosova do të mbetet e pavarur.
