Përgjatë gjithë 2016-s, Andrew Taylor, hëngri vetëm patate. Përdori disa “marifete” në dietën e tij vetëm me patate: Ai hëngri të dy llojet e patateve: të bardhat dhe ato të ëmblat dhe ndonjëherë i përziu edhe me qumësht soje, salcë domatesh, kripë dhe erëza. Gjithashtu, përdori sublemente B12.
Por, ai vazhdimisht hëngri vetëm patate: për mëngjes, drekë dhe darkë. Bëri katër teste gjaku përgjatë vitit dhe të gjitha rezultuan normal. Ai madje humbi peshë dhe u ndie majft energjik.
“Nëse ti je ndër njerëzit e përzgjedhur për të shkuar në Mars dhe të kërkohet të zgjedhësh vetëm një ushqim, atëherë zgjedh patate” , thotë Taylor.
“Nuk jam duke tentuar të bëhem evangjelist patatesh, por më të vërtetë ishte përvojë që e shijova shumë”.
Mirëpo, nuk është ide e qëlluar të zgjidhet vetëm një lloj ushqimi për të ngrënë. Që të mund të mbijetojmë, na duhen 20 aminoacide – prej të cilave 9 janë esenciale, që nënkupton që ne s’mund t’i sigurojmë ato vetvetiu, por duhet t’i sigurojmë nëpërmjet ushqimit – një bollëk vitaminash dhe mineralesh. (Dhe, ushqime me përmbajtje të mjaftueshme të sasisë së ujit, ashtu që qelizat të jenë të vazhdimisht të hidratuara dhe të mos ndalojnë së funksionuari).
Gjatë historisë së ushqyerjes, kombinohen ushqime të tilla si: oriz dhe fara, jogurt dhe arra madje edhe makarona me djathë. Qëllimisht apo aksidentalisht, arrihet njëfarë balance, e cila nuk do mund të mbahej duke përdorur një ushqim të vetëm.
Por, në kohë krize, janë një grumbull ushqimesh që sigurojnë mbijetesën, të paktën për një kohë.
Dieta me patate
Patatja është një ide e mirë. Andrew Taylor nuk është njeriu i vetëm në histori që ka provuar diçka të tillë. Në fillim të 1800-tes rreth 1/3 e popullatës së Irlandës, shumicën e kalorive të tyre i siguronin nga patatet.
Teknikisht, patatja e bardhë tradicionale përmban të gjitha aminoacidet esenciale që nevojiten për të ndërtuar proteinat, riparuar qelizat dhe luftuar sëmundjet. Madje, të ngrënit e pesë prej tyre çdo ditë mund të sigurojë këto benifite.
Gjithsesi, nëse përzgjedh vetëm pataten, do të hasni në pamjaftueshmëri mineralesh dhe vitaminash. E në këtë rast, na hyjnë në ndihmë patatet e ëmbla. Megjithatë, edhe kombinimi i tyre, prapë kërkon një sasi shtesë të erëzave.
Konsumimi i pesë patateve në ditë sjell benifitet e lartpërmendura, por të ngrënit i 34 patateve të ëmbla në ditë apo i 84 patateve të bardha do të shkaktojë pamjaftueshmëri (deficit) të kalciumit.
Gjithashtu duhen edhe 25 patate të bardha shtesë (për cdo ditë) për të siguruar sasinë e rekomandueshme të proteinave. Farat e sojas kanë më shumë proteina dhe kalcium por nuk kanë vitaminë E apo beta-karotinë.
Natyrisht, ka shumë disavantazhe shëndetësore konsumimi i tepruar patateve. Patatet e bardha kanë sasi të lartë të një lloji të karbohidrateve që shkakton rritje të sheqerit në gjak. Njerëzit që konsumojnë patate në sasi të tepërt kanë më shumë gjasë të fitojnë diabetin dhe të bëhen obesivë.
Andrew Taylor, ka humbur peshë, por më shumë gjasë kjo për shkak të heqjes dorë nga sheqeri – që realisht nuk ishte qëllimi i tij. Ai donte të trainonte veten për t’u ndier komfort dhe i kënaqur edhe nga perspektiva tjera të jetës. Por, edhe pse eksperimenti i tij tashmë ka mbaruar, ai ende është entuziastë për patatet.
“Ishte thjeshtë vec një eksperiment, i cili u krye saktësisht si unë desha” – thotë ai.
Ushqimet me të cilat mund të mbijetoni
Asnjë nutricist nuk do të nisej askund më një anije të ngarkuar vetëm me patate. Ata po ashtu nuk do të rekomandonin që në vend të patateve e gjitha të ishte kokos, lakër jeshile, alga deti e as jogurt. Ka një arsye pse këshilluesit dietalë rekomandojnë të ngrënit e një llojllojshmërie perimesh, drithërash, proteinash, frutash dhe vajrash. Llojllojshmëria është e rëndësishme dhe në këtë rast është jetike.
Andaj, mos e ha vetëm një patate të pjekur, por shtoji dhe minerale tjera të shëndetshme në të!
