Ish i dërguari special i ShBA-ve për dialogun Kosovë – Serbi, Richard Grenell, ka reaguar pasi Shtetet e Bashkuara s’po ia lejojnë pjesëmarrjen tenistit serb, Novak Gjokoviq, në US Open pasi s’është vaksinuar.
Grenell tha se moslejimi i tij në US Open është turp për Administratën Biden.
“Po ia mohojnë një prej lojtarëve më të mirë të tenisit në botë një shans për të garuar në Amerikës thjeshte sepse ai nuk do ta marrë vaksinën”, ka shkruar Grenell, transmeton Klankosova.tv.
Tutje, ai tha se këtë herë, US Open do të duhej të ketë një shenjë për fituesin “e rremë nëse kjo nuk ndryshon”.
Kujtojmë se probleme shkaku i refuzimit për vaksinim kundër COVID-19, Gjokoviq ka pasur edhe në Australi, ku ai u dëbua prej atje pas hyrjes.
