Dasmat janë një ndër eventet më të pëlqyera dhe preferuara nga shqiptarët kundo nëpër botë por edhe nga vetë këngëtarët.
Në njëintervistë në emisionin “Goca dhe Gra” një ndër këngëtaret që performon në ceremonitë martesore është Albërije Hadërgjonaj, e cila nuk ka nguruar të thotë sa kërkon për të performuar në një event.
“E dua këtë punë jashtë mase, jam shumë selektive sepse i kam bërë çmimet më të larta. Më vjen keq ta them se ka shumë njerëz që të adhurojnë dhe duan të të kenë.
Unë me orkestrën shkoj nga 8 deri në 10 mijë euro. Kam 30 vite që jam lodhur për këtë ditë, tani ka ardhur momenti më pak dasma, çmime më të mira”, shpreh këngëtarja.
Hadërgjonaj shprehet se tashmë ka vendosur të punojë më pak dhe t’i kushtojë më shumë kohë vetes.
“Unë pushime të verës nuk kam bërë për shumë vite. Sivjet i kam lënë më pak data se çdo vit të jetës sime, sepse ka ardhur momenti të mos punoj aq shumë”.
