Kryetari i Drenasit, Ramiz Lladrovci, ka vizituar Stambollin këtë vikend.
Ai ka bërë një shëtitje me anije në ngushticën e Bosforit dhe ka ndarë disa fotografi.
Lladrovci ka thënë se në vendin ku shëtiti ka dalë edhe termi “inati arnaut” që sipas tij njihet edhe sot.
“Në Bosfor, me anije, në anën nga përgatiteshin sulmet e një Perandorie të re, kundër Perandorisë e cila po jepte shpirt. Shqiptarët, me përkushtim ju shërbyen të dyja perandorive, edhe asaj që po vdiste, edhe asaj që vinte, ndërsa trojet e tyre mbetën skaje të sunduara nga dhuna, terri e prapambeturia, deri në shekullin e 20-të. Në këto anë, kah po shëtis, doli edhe termi “inati arnaut” i njohur edhe pas 560 vjetëve”, ka shkruar ai.
