Kreu i Qeverisë shqiptare, Edi Rama, në konferencën për media pas kthimit nga Madridi ka treguar se në Samitin e NATO-së ka folur edhe për projektin e Shqipërisë për instalimin e një baze navale të NATO-s në portin e ri të Durrësit.
Rama ka thënë se në portin e ri të Durrësit parashikohet të jetë edhe pjesa ushtarake.
Ai ka thënë se në ditët në vazhdim do të mbajnë takime të veçantë, me ekspertë edhe vendor por edhe të NATO-s për të vazhduar me projektin.
“Po ashtu kemi folur atje për projektin tonë, për instalimin e një baze navale të NATO-së në portin e ri të Durrësit, që do të jetë në Porto Romano, që parashikohet të ketë edhe një pjesë ushtarake. Së shpejti do të bëjmë një takim të posaçëm me ekspertë tonë dhe ekspertë e Aleancës për të vazhduar më pas me projektin”, ka thënë kryeministri i Shqipërisë.
