Sonte në Pressing po diskutohet për Samitin e Ballkanit të Hapur. Për këtë nuk janë pajtuar Dukagjin Gorani e Avni Zogiani.
“Mundesh me i marrë 100 arsye për me u bo pjesë e (Ballkanit të Hapur) dhe 100 mijë arsye me i përdor për mos me u bo pjesë”, tha Gorani.
“Pyetja që duhet me u shtru është: pse komplet skena politike e vendit është kundër, pavarësisht pushtet e opozitë”, thotë ai.
Gorani thotë se “votat përdoren përmes ofrimit të një pozicioni i cili është qoftë izolacionist, ksenofob edhe mbi të gjitha pozicion inferior ose defansiv”.
“Unë mendoj se refuzimi i Ballkanit të Hapur nga ana e subjekteve politike dhe skenës politike aktuale bëhet kryekëput nga këndvështrimi elektoral”, tha Gorani.
Me Goranin nuk u pajtua Avni Zogiani.
“Çka ka refuzuar Kosova deri sot”, e pyeti ai Goranin.
“A bën bre vëlla unë…boll keni fol e kurrë s’ju kam ndërpre”, iu përgjigj ai Zogianit.
“Mirë de, veç pyetje po të bëjë”, ja ktheu Zogiani.
“Kurrë s’ju kam ndërpre e keni folë shmajtë-djathtë”, i tha Gorani.
“Edhe ti po flet shmajt e djathtë”, i tha Zogiani.
“Punë për mua por me më ndërpre mos më ndërpre”, tha Gorani.
