![](https://i.imgur.com/FK1NUCk.jpg)
![](https://i.imgur.com/LIoPAGY.jpg)
![](https://i.imgur.com/CRU701k.jpg)
![](https://i.imgur.com/l7bgfeN.jpg)
![](https://i.imgur.com/iPHyMLz.jpg)
Kush është?
Margarita!
Margarita kush?
Margarita Gaçi!
Hajde moj bukuroshe, hajde.
![](https://i.imgur.com/FK1NUCk.jpg)
![](https://i.imgur.com/LIoPAGY.jpg)
![](https://i.imgur.com/CRU701k.jpg)
![](https://i.imgur.com/l7bgfeN.jpg)
![](https://i.imgur.com/iPHyMLz.jpg)
Sapo hapet dera e shtëpisë së saj të re, fytyra e Margaritës shkelqen nga lumturia. Sa shumë ka sakrifikuar kjo 11 vjeçare për të atin, e më në fund shqiptarët po e gëzojnë me një shtëpi të re. Brenda në banesë, Margaritën e Lindonin i mirëpret Sidriti me Meri Bejlerin.
Margarita i përqafon dhe nis të kërcejë nga gëzimi.
Margarita: Jam e lumtuur…
Sidriti: Pse je e lumtur
Margarita: Që ju takova juve
![](https://i.imgur.com/FK1NUCk.jpg)
![](https://i.imgur.com/LIoPAGY.jpg)
![](https://i.imgur.com/CRU701k.jpg)
![](https://i.imgur.com/l7bgfeN.jpg)
![](https://i.imgur.com/iPHyMLz.jpg)
Sidriti: Kjo është shtëpia jote e re. Ta gëzoni, e inshallah rrini të gëzuar.
Lindoni përlotet kur sheh gëzimin e të bijës. Ishte një moment që zemra e tij me siguri e priste prej kohësh.
Lindoni: Më keni qëndruar pranë… nuk e kisha menduar se do të bëhesha me shtëpi.
Meri- Margaritës: Tani e ke shtëpinë në kat të parë, i ke tavanet në rregull këtu, nuk do të shqetësohesh më për shtëpinë.
Margarita shkon të përqafojë të atin, i cili s’mund t’i mbajë dot lotët e gëzimi.
![](https://i.imgur.com/FK1NUCk.jpg)
![](https://i.imgur.com/LIoPAGY.jpg)
![](https://i.imgur.com/CRU701k.jpg)
![](https://i.imgur.com/l7bgfeN.jpg)
![](https://i.imgur.com/iPHyMLz.jpg)
Margarita: Mos qaj bab mos qaj
Meri preket kur shikon momentet kur Margarita përqafon të atin, një përqafim që sërish është shembull i përkujdesit të jashtëzakonshëm që ajo i kushton babait të sëmurë.
Meri: Bravo ti, nuk qan, por po qaj unë për ty. Lindon, inshallah Zoti ju jep forcë, të shëron e ta gëzosh me gocën këtë shtëpi.
Lindoni: Inshallah, dëshira ime është të nxjerr në jetë vajzën.
Meri: Doja t’i thoja Margaritës, pavarësisht vështirësive që ke e do të kesh në jetë, ti ke një veçanti, ke një raport special me babain. Vlerësoje, mbaje fort këtë. Lindon, jeni për t’u marrë shembull
Lindoni: Vajzën nuk e kam lënë asnjë sekondë vetëm. Prindi atë detyrë ka, prindi i mirë
Meri: Po e drejtë, por jo të gjithë e bëjnë edhe pse i kanë mundësitë. Je shembull i mirë.
![](https://i.imgur.com/FK1NUCk.jpg)
![](https://i.imgur.com/LIoPAGY.jpg)
![](https://i.imgur.com/CRU701k.jpg)
![](https://i.imgur.com/l7bgfeN.jpg)
![](https://i.imgur.com/iPHyMLz.jpg)
Margarita ka dëshirë të shikojë shtëpinë dhe Meri i tregon dhomën, kuzhinën e ambientet e tjera.
Në bisedë me Sidritin, Lindoni tregon se pas vizitës ka marrë një kurë të re dhe shpreson se sëmundja do të mbahet nën kontroll.
Lindoni: Kurën ma ndryshuan komplet. Oraret e ilaçit, ngrënien. Shpresojmë. I kam dhënë kurajo vetes, vetëm për vajzën. Jetës duhet t’i përgjigjesh siç vjen. Do Zoti, më ndihmon për vajzën.
Sidriti: E kemi thënë shpesh. Secili ka sprovat e veta, dikush më të rënda, dikush më të lehta. Nuk dua të heq paralele, por secilit i ka dhënë Zoti atë që mundet me e mbajt. Të jesh i sigurt se do e mbartësh sprovën për Margaritën, e më pas për veten. Aq më tepër tani, që shqiptarët u vunë në dijeni për ju.
Lindoni: Nuk ma merrte mendja kurrë, shqiptarët më janë gjendur pranë. Nuk jam ndier vetëm asnjë sekondë.
Margarita vjen sërish në dhomën e ndenjes, ndërsa Sidriti i tregon që të shohë frigoriferin, pasi ka diçka aty.